尋日下晝又要攪私人的事放假了...原來這件事真的不簡單...還有排的攪哦...總要為自己的事負責任, 唯有頂硬上吧.......

因為有個馬來西亞的sales manager Amos生日...所以大家攪到了個神秘的birthday party@ CEO neway...雖然下午請假, 但也出席與同事們聯誼一下吧(其實真係唔想去, 但唔可以次次都放飛機吧...)...主力唱歌的艾菲, 是晚變了酒廊歌手, 還比同事們笑艾菲入錯行...又有人話艾菲走衛蘭路線??...無錯, 咪係新進歌手'胃炎'囉...謝謝大家的讚賞, 艾菲會試下找份part-time, 發展下酒廊歌手的事業哦...嘿嘿...原來成班同事輕鬆的玩, 感覺也不錯......希望下次大家會再多攪活動一齊輕鬆的玩哦......

玩到1點多便散場, 有的同事已經早走, 有的就轉去打麻雀...艾菲就約咗好友mark到附近的酒吧玩了一會, 3點幾回家休息......發生事後, 有時會喜歡飲酒, 是麻醉自己, 還是想逃避現實?...真的不知道......只知道飲酒後, 可以relax一下, 什麼也不用想.......不過, 今朝起身真的很累很累...又是懶洋洋的過一日.......

之前已經與同事Heinkle夾好, 所以有免費的士坐回家...真的很感動在這間公司, 可以識到沒有機心, 又待自己很好的同事們...謝謝儂......

雖然風大雨大, 但仍然堅持去打羽毛球...因為, 暫時只有這個運動, 可以令艾菲忘記心中的不快...積極的練習, 總算有不錯的成果...可惜, 收到消息要暫停3個月, 因為奧運期間book場免費, 所以一早比人book晒...唉...連最喜歡的運動也要暫停, 這3個月要怎樣過呢?!...本來還想去游水, 但染黑咗頭髮, 暫時都唔去得泳池(因為會甩色)...看來, 真的要全天候自閉了......下星期二是last one, 要努力的打...要暫別羽毛球了......

打完波, 例牌會去茶餐廳同波友飲茶傾一陣計...今晚比較特別的是...大師兄帶咗個女仔出黎...疑是女朋友哦(都幾襯喎)...艾菲終於甩難, 不用再被誤會...可以舒一口氣了..........

今晚缺席了舊同事的dinner...希望大家唔好嬲艾菲...暫時真的不想面對太多人...sorry...請給我時間重拾自己吧......

今日係爸爸節...雖然最近都係瞓得唔好, 但仍然一早起身陪豆豆飲茶...之後就同咪咪去買餸, 特別買咗蠔仔, 晚餐煮咗個蠔仔餅比豆豆食...加埋尋晚整o既芋茸西米露, 簡單的為豆豆慶祝父親節!! 希望豆豆身體健康, 開開心心!!

到低還想逃避什麼?! 真的不知道...只知道每晚仍然瞓得差, 發惡夢......

瑞午節這個日子, 又有一個特別的活動了...今日約了幾個朋友一起去Mark屋企做節, 本來今日係艾菲負責下廚, 但因為Mark爸爸一早已經買了餸, 最終變成一人負責一半...但艾菲感覺還是很開心, 因為第一次o係朋友屋企煮晚餐, 重要係中餐...平時的我, 主力是西餐, 甜品...除了一個人的晚餐, 很少會煮中餐...希望大家會喜歡呢......

下午4點與Mark一起去了楊屋街市買餸, 因為瑞午節, 實在太多人了, 逼咗好耐先買齊餸...最終5點幾先返回大窩口, 預備晚飯...分工合作, 最終煮了7餸1湯1甜品, 順利於8:30開飯(比上次早咗)...是日晚餐: 炒辣肉碎, 白切雞, 蘿蔔雞湯, 蝦醬炒通菜, 蒸魚配酸辣汁(以上由mark負責)...另外還有酸辣蝦, 煎蠔餅, 蟹粉扒豆腐 & 芋頭西米露(由艾菲負責)...謝謝sarah, vinggi, jefferey, 健仔比面出席, 特別係健仔, 謝謝你清晒d餸...謝謝大家的讚賞, 重要謝謝mark的幫手, 能夠與喜歡烹飪的人一起煮飯, 感覺很好哦...希望下次可以再攪這類活動~~ 祝各位瑞午節快樂!!

時間關係, 只影了2張相...大家忍唔住起筷了...

可以暫時忘記唔開心的事, 輕鬆與朋友們相聚, 感覺很好...謝謝大家的愛錫, 艾菲會好好的!!

尋晚應朋友MARK的應約, 去了大窩口他家作客, 因為晚上他新自下廚, 煮餐勁o既比我地食喎...當晚d餸好豐富, 以男仔黎講, MARK o既廚藝已經算好好喇, 不過大部份都係雲南口味, 比較辣...雖然佢話3:30收工, 但差唔多9點先開飯...嘿嘿...晚餐後我們一行四人去咗熊貓酒店樓下飲野...感覺很relax...這晚很開心又見到BELLA, 佢開朗的性格, 同艾菲很夾...原來佢係澳門人, 所以晚上要趕返澳門...希望下次可以再一齊出黎玩呀......謝謝BELLA請飲酒, 同埋MARK請食飯...你倆個好夾喎~~ 還是謝謝jefferey, 幫艾菲買了消夜奶醬多士...從來就有個小習慣, 飲酒後會想食多士...怪人一個......

今日收工又要趕出去...因為有得打羽毛波...雖然呢幾日都好大雨, 但總想出去打羽毛波出身汗, relax下...雖然與班波友相交不深, 但見到他們, 總會覺得很開心, 可以暫時忘記唔開心的事...今晚更開心的是見到康仔, 又可以坐順風車回家......

最近愛上自閉, 不太喜歡聽電話...除咗返工, 還有很多事項要注意準備...如果大家覺得艾菲失踪了, 請見諒...只想透過這裡告訴大家, 艾菲現在還好...只是需要很多時間去面對所有的事.......我會努力的!!

忍咗4個月, 今晚終於走去剪髮了...還以為髮型師gary記不起艾菲, 原來...他還記得艾菲這位古怪的客人, 剪的髮型仍然非常的合心水呢...看來, 以後可以不用再轉髮型師了......雖然沒有把頭髮剪短, 但總算剪短了前陰, 不再是齊陰頭了(夏天還是清爽一點比較好)...染返blue black, 樣子coolcool的, 感覺很舒服(繼續自我)......好想為自己打打氣, 因為往後的日子, 還有很漫長的路要走.........

既已成定局, 唯有獨力面對......謝謝大家的關心, 往後的日子, 艾菲會努力的......

最近都係煩煩煩...沒完沒了的煩惱...何時才可有抖氣的機會呢......好想, 好想離開這裡.......

尋日自己一個留在家中, 什麼都不想了...只想靜靜的...休息......晚上煮了蕎麥冷麵 & 炒牛柳粒配西蘭花...原來很久也沒有自己煮晚餐, 還好, 沒有退步...只是忘了影相.......今日收到一個極之高興的消息, 但暫時不能公開...遲些再公佈.......為了慶祝這開心事, 今日終於出手煮甜品了...跟住magazine做的馬豆糕...其實次次煮馬豆都好似煮得唔夠淋, 今次應該ok......希望可以快些回復正常, 再煮多些不同的甜品..........

就算現在沒有人明白艾菲所做的事, 也不緊要...只要你一個認同便好了...我不介意別人當我是瘋子......這是天意吧!!

時間過得真快...轉眼間己經個月沒有update blog了...到底艾菲最近做了什麼呢...也許我不太記得了......只記得要感謝最近幫忙的朋友們, 為你們添麻煩, 真的很抱歉......可能我們真的算不上很交心的朋友, 或是很久之前的舊朋友, 現在只是各有各忙, 沒有聯絡了...但竟想不到, 一個電話, 大家都義不容辭的出手幫忙...大家對艾菲的關懷, 還是那麼的深厚, 那麼的真摯...很感動......

雖然最近真的有著很多不開心的回憶, 還好有你們, 令艾菲在這段日子, 未感絕望, 也不孤單......事情己經到了尾聲, 希望一切盡快的回復正常...到時艾菲會再開爐, 再為幾位好友整dessert...... Specially thanks...Ray, 魚魚, 契哥, Eric, Tim, Jessica

人生不如意事十常八九, 加上胃炎, 近日的心情跌至谷底...發脾氣過後, 發現原來只是自己太迷惘吧, 事情還沒有差到這樣...現在, 時時刻刻都緊記...*Worry gives a small thing a big shadow

祈待以久的日子...終於等到陶喆開show喇......yeah~~

晚上與wray去了尖東利苑食晚飯, 真的好少會與朋友走入酒樓食飯, 但既然壽星仔想食, 當然無問題...經過Waitress的推介, 2個人點了3餸1湯...食咗炆龍"等"腩, 一個花膠鑲蝦膠, 同埋青菜...其實都唔記得食過D咩, 因為D名都怪怪的...只係記得個龍"等"腩好好味, 同埋個湯都ok...無食甜品, 不過覺得八百幾蚊, 好似唔太抵.......

食完飯就去睇show...3個鐘頭的David Concert全無悶場, 首首歌都超正~~ 雖然唔係對正台, 只係坐14行側面, 但都可以近距離見到陶喆, 真係好感動哦......唯一可惜係聽唔到'流沙', 只好返家聽DVD吧...希望David的新專輯快d出啦...祈待ing......

返到屋企已經過12點...時間剛好為wray送上生日cake...今次特別落重料整咗個8"blueberry cheesecake, 加埋面頭既藍苺&藍苺jam, 今次o既作品都幾滿意哦.....謝謝wray成日都帶艾菲去玩哦...wish you have a happy birthday! All the best!  Hope you enjoy the cake!

一路聽陶喆的歌, 真的很感慨...當我需要你的時候, 你去了那裡?!........

這個星期除了星期二朝早6:30起身去泳池游水外, 主要都係返工放工...一朝早起身游水都幾relax, 但原來都幾多人, 少少逼...如果可以keep住一星期游2次都ok呀~~ 加油!!

放假真開心, 尋日整日都無所事事, 主要都係食共瞓...今日下晝去了旺角買食材, 預備要整一份生日禮物...點知出面太大雨, 結果成身都濕晒......晚上因為鄭生鄭太與婆婆阿姨們出街食飯, 所以艾菲又可以煮一個人的晚餐...今晚整了煙肉腸仔忌廉汁意粉+焗雞柳...雞柳用咗少少咖喱粉, 所以都幾香...加埋粟米沙律, 簡簡單單的西餐便完成了...很滿足哦......如果第時艾菲一個人住, 唔知會唔會keep到每晚都煮飯呢?!.......

p.s. 今日又代豆豆打麻雀, 原本佢已經贏咗500幾蚊...點知打完8圈後, 居然總數贏咗$12XX...估唔到, 呢年打親麻雀都係贏...究竟係好彩, 定係唔好彩呢??............